loading...
Loading...

Wednesday, January 11, 2017

សាហាវណាស់!! គ្រាន់តែឮថាក្មួយស្រីលួចលុយ ពូកំណាចចាប់បោកខ្ទប់ជាមួយទូអីវ៉ាន់ ព្រមទាំងធាក់១ជើងពេញទំហឹងទៀតផង!!

loading...

Loading...

ចិន៖ វីដេអូដ៏រន្ធត់មួយ ត្រូវបានគេយកទៅបង្ហោះនៅក្នុងបណ្តាញសង្គមចិន Weibo កាលពីថ្ងៃទី៤ ខែមករា ឆ្នាំ២០១៧ កន្លងទៅនេះ។ ក្នុងនោះគេឃើញបុរសម្នាក់ បានចាប់ក្មេងស្រីតូចម្នាក់បោកទៅនឹងទូដាក់ចំនីអាហារនៅក្នុងផ្សារទំនើបមួយមកន្លែងទាំងកំរោល។

យោងទៅតាមសារព័ត៌មានក្នុងស្រុកមួយ បានឲ្យដឹងថា តាមពិតទៅបុរសម្នាក់នោះត្រូវជាពូរបស់ក្មេងរងគ្រោះ ហើយមូលហេតុដែលរូបគេធ្វើបែបនេះ  ក្មួយស្រីបានលួចលុយពីកាបូបលុយរបស់ខ្លួន។

ហេតុការណ៍នេះបានកើតឡើង កាលពីថ្ងៃទី ២១ ខែធ្នូ ឆ្នាំ២០១៦ និងមានសាក្សីជាក្មេងសិស្សសាលាជាច្រើន ស្ថិតនៅទីនោះ ដែលមានទីតាំងនៅផ្សារទំនើបមួយ ក្នុងទីក្រុង Shenzhen ភាគខាងត្បូងប្រទេសចិន។
លើសពីនេះទៅទៀត សារព័ត៌មាន Lagal Daily ក៏បានធ្វើការស៊ើបអង្កេតចំពោះវីដេអូមួយនេះដែរ។ ពួកគេបានរកឃើញថា ក្មេងស្រីរូបនេះបានលួចលុយពីក្នុងកាបូបពូរបស់គេចំនួន ៣ ០០០យ័ន (ប្រហែល ៤៣០ដុល្លារអាមេរិក)​  និងថែមទាំងយកកាតធនាគារទៀតផង។

កុមារីរងគ្រោះដែលមានអាយុទើបតែ៧ឆ្នាំ និងជាសិស្សសាលាបឋមសិក្សារូបនេះ បានរងរបួសត្រង់មុខ  ដោយសារបោកខ្ទប់ជាមួយនឹងទូដាក់ចំនីអាហារ។

បើទោះបីជាវីដេអូមួយនេះ មិនបានបញ្ចេញសម្លេងក្តី ក៏គេអាចមើលដឹងដែរថា បុរសម្នាក់នេះបានស្រែកគំហោកដាក់ក្មេងៗដទៃទៀត ដែលនៅក្នុងហាងនោះ។
ចំនែកឯម្ចាស់ហាងផ្ទាល់ និងឪពុកម្តាយរបស់ក្មេងផ្សេងៗទៀត ដែលជាសាក្សីនៅក្នុងហេតុការណ៍នេះ ក៏បានធ្វើការរារាំង និងព្យាយាមបញ្ឈប់សកម្មភាពបុរសនេះឲ្យឈប់ធ្វើបាបក្មេងរងគ្រោះផងដែរ។ ទោះជាយ៉ាងនេះក្តី ជននេះមិនស្តាប់អ្នកណាឡើយ ផ្ទុយទៅវិញ គេបែរជាទាត់ក្មេងស្រីរងគ្រោះមួយជើងថែមទៀត  ធ្វើឲ្យក្មេងស្រីនោះព្យាយាមរត់ពួនពីក្រោយខ្នងមិត្តរួមថ្នាក់របស់គេ។

តាមការឲ្យដឹង បុរសជាពូនេះបានចោទប្រកាន់ទៅលើម្ចាស់ផ្សារទំនើប ថា ដោយសារតែពួកគេអនុញ្ញាតឲ្យក្មេងទិញទំនិញជំពាក់  ទើបក្មួយរបស់គេដាច់ចិត្តលួចលុយបែបនេះ។

គួរឲ្យដឹងដែរថា វីដេអូមួយនេះ បានធ្វើឲ្យមហាជនមួយចំនួនមានប្រតិកម្មទៅលើឪពុកម្តាយដែលមិនបានអប់រំទូន្មានកូនឲ្យបានល្អ  និងមួយចំនួនទៀតក៏បានលើកយកច្បាប់ការពារអនីតិជននៃអំពើហឹង្សាក្នុងគ្រួសារមកវែកញែកផងដែរ៕


ប្រភព៖ Shanghaiist
ប្រែសម្រួល៖ ខ្មែរឡូត
loading...

No comments:

Post a Comment

Contact Form

Name

Email *

Message *

Follow by Email